منتديات دريبتنا

منتديات دريبتنا المغربية
 
الرئيسيةالبوابةس .و .جبحـثالتسجيلالأعضاءالمجموعاتدخول

شاطر | 
 

 موسيقي الراب

اذهب الى الأسفل 
كاتب الموضوعرسالة
parkour



ذكر عدد الرسائل : 11
الهواية : parkour
تاريخ التسجيل : 31/07/2007

مُساهمةموضوع: موسيقي الراب   الثلاثاء يوليو 31, 2007 11:05 am


موسيقي الراب



بتمسع الكلمه دي كتير و منتاش فاهمها و اللي فاهمها ميفهمش ان كله فاهمها
بقالنا 80 سنه بنسمع اغاني رومانسيه
و الحب جميل و ما بانامش الليل و بحبها و بفكر فيها
ايه مزهقتوش من الكلام ده
المشكله ان محدش بيغير الرومانسي نفسه اللي ممكن يتقال بمليون طريقه
بس ليه مش عايز تسمع راب
تعالي اقوللك ايه هو الراب


موسيقي الراب ظهرت زي ما قلنا في منتصف الثمانينات...ابتكرها زنوج امريكا اللي كانو حتي الثمانينات برضه بيعانو من لمحة الاضطهاد و التمييز في المعامله وماكانوش ملتزمين اوي فيها بقواعد الموسيقي و اللحن و التعقيدات دي...بس كانو متمسكين بقمه الحريه حتي التحرر من قيود الموسيقي و قوانين دراسة الموسيقي نفسها حتي انك صعب ان لم يكن من المستحيل انك تلاقي مطرب راب امريكي حاليا عنده خلفيه عن دراسه الموسيقي او حتي بيعرف يسيطر بصوته علي مجريات لحن...
كانو عايزين بتكلمو و يتكلمو و يتكلمو و مفيش اي حاجه تعوقهم عن الكلام و التعبير و الثوره الكلاميه و لما ظهر اللون ده ما كانش
لسه معروف ....بس بدأ معظم الزنوج يدخلو في المجال ده بعد ما بقي مميز بيهم و مرتبط دايما بيهم... و بدأ يعني ياخد قدر من الاهميه مع بداية التسعينات و و بدأ يظهر مطربين مشهورين مجالهم هو غناء الراب اللي كان وصل لانه بينافس الاغاني العاديه الرومانسيه في المبيعات و بيحصل مطربيه علي جوائز و كان اشهر مطربي الراب الامريكين في الفتره دي تو باك اللي كان بيقال انه كان بيتبع احد عصابات نيويورك و احياء هارلم -حي الزنوج في مدينة نيويورك- و لكن المطرب ده توفي بعد ما كان حقق مبيعات و شهره جامده جدا... و بعده انتشر لون الراب ده في انحاء العالم و بقي معظم سكان العالم عارفين اللون ده من الغناء و له مطربين مشهورين بيربحو بالملايين سنويا من اغانيهم من اشهرهم دكتور دري و سنوب دوج و جاي زد و كانو غنو قبل كده مع توباك و حتي كان هناك ممثلين زنوج كانو غالبا بيغنو اغاني راب في اغانيهم زي الممثل العالمي ويل سميث ..و مطرب الراب الابيض الظاهره الغربيه ايمينيم واللي تقريبا كان من خلاله عرف معظم العرب اللون ده من الغناء لانه كان بيتكلم عن موضوعات سياسيه و حساسه و كلامه كان غالب مشد و موضوعاته ملفته للانتباه و ان كانت بذيئه بعض الشيء..... و لسه لغاية دلوقت ما زال الراب بيحقق نجاحات مذهله... و يمكن اكتر من الاغاني الرومانسيه في بعض الاحيان....



اسلوب الغناء الراب بيعتمد علي الرتم و الدرامز و من غيرها مينفعش انه الاغنيه الراب يكون ليها كيان و مينفعش الاعتماد علي الالات بس..لان اسلوب الغناء عباره عن كلمات بيقوي معناها مع الرتم و الدرامز و التكنولوجيا الصوتيه و المؤثرات...
و مش شرط ان الكلمات يكون ليها قافيه ووزن و قواعد زي الشعر كده المهم ان الكلام يكون ليه معني و فكر معين رغم ان معظم الاغاني الراب الامريكي دلوقت اصبحت تافهه و تميل للبذائه و الحريه حتي في اشياء لا تصح
و لازم يكون فيه موسيقي خلفيه زخرفيه تدي ايحاء للمستمع و تكون الموسيقي ملائمه لجو الموضوع اللي بيتكلم فيه كل رابر في الاغنيه و مع السرعه في الكلام بيزيد اهتمام المستمع للانصات للاغنيه و فهم و جهة نظر الرابر و يبدأ يتاثر بالكلام خاصة لو كان كلام واقعي بيتكلم عن اشياء بتحصل ليه في حياته و كان ده اسلوب الرابرز الامريكيين في الغناء و ده اللي خلاهم قريبين اوي من المستمعين كانهم معاهم و بيحكو عن مشاكلهم




كانت مشكلة الاغاني دي زمان بالنسبه لينا كعرب انها مستحيل تتفهم لانها عباره عن انجليزي امريكي عامي و صعب جدا علي اي عربي انه يفهمه... كلام كتير مالوش اخر ...مين فاضي يفهم او يسمع
لكن مع الوقت بدأ الشباب العربي يسمع اغاني الراب لما حصلت العولمه و انتشرت الانجليزيه بصوره كبيره بين الشباب العربي و رايي ان سبب انتشار الانجليزيه بين الشباب العربي هو الاغاني الغربيه...لان اي مجيد للانجليزيه عربي و متقدم في السن بيكون دارس للغه الانجليزيه دراسه نمطيه بحته لكن الشاب العربي كل خبرته في اللغه الانجليزيه بيكون من الاغاني او الشات علي الانترنت.. و طبعا فيه شباب كتير دارسين ده مش شرط... و بدأ شباب كتير يحاولو انهم يعملو اغاني مشابهه للراب المريكي و كان باللغه الانجليزيه طبعا لانهم مش متخليلن انهم يقدرو يتكلمو بالسرعه المناسبه باللغه العربيه ويجارو سرعه اللغه الانجليزيه..لكن المعجزه حصلت
ظهر فريق راب فلسطيني بيغني راب صرف بنفس الطريقه الامريكيه و لكن باللغه العربيه و باللهجه الفلسطينيه و كانت قنبله و عملو موقع خاص ليهم و بقي كل شاب عربي عنده القدره علي عمل اغاني راب من حقه انه يبعت للموقع و تشتهر اغانيه و الفريق ده اسمه فريق دام الفسطيني و فيه فرق كتير و حتي فيه بنات بيغنو راب اسمهم عربيات

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.dribtna.c.la
عبدو

عبدو

ذكر عدد الرسائل : 11
الهواية : tout
تاريخ التسجيل : 01/08/2007

مُساهمةموضوع: رد: موسيقي الراب   الأربعاء أغسطس 01, 2007 9:57 am

مشكور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.dribtna.c.la
 
موسيقي الراب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات دريبتنا :: منتدى فن الحركة :: منتدى البريك دانس-
انتقل الى: